Келесі жылы бизнесмендер жеке мүліктерін жариялауы керек

2024 жылы тапсырушылар тізіміне жеке кәсіпкерлер, кәсіпті басқарып отырған бірінші басшылар, құрылтайшылар, заңды тұлғалардың қатысушылары кіріп отыр, деп хабарлайды El.kz ақпарат агенттігі.

2021 жылдың 1 қаңтарынан бастап кіріс декларациясын мемлекеттік қызметшілер мен оларға теңестірілген адамдар, сондай-ақ олардың жұбайлары – шамамен 580 мың жеке тұлға тапсырған. Екінші кезеңде квазимемлекеттік сектордың мемлекеттік мекемелерінің қызметкерлері, сондай-ақ олардың жұбайлары мүлкінің есебін ұсынды, шамамен 2,1 миллион адамды құрады. Үшінші кезеңде 2024 жылғы 1 қаңтардан бастап декларацияны заңды тұлғалардың құрылтайшылары (қатысушылары), жеке кәсіпкерлердің басшылары, сондай-ақ олардың жұбайлары (зайыбы) тапсырады, - дейді ол.

Шамамен 3,9 миллион адам тапсырады деп жоспарланған.

Төртінші кезеңде 2025 жылғы 1 қаңтардан бастап азаматтардың басқа санаттары (мысалы, жеке құрылымдардың қызметкерлері, зейнеткерлер, үй шаруасындағы әйелдер, студенттер және тағы басқа) тапсыратын болады. Бұл – 6,9 миллион адам, - деді Мемлекеттік кірістер комитеті Өндірістік емес төлемдерді, жеке тұлғаларды және арнайы салық режимдерін әкімшілендіру департаментінің директоры Нұржан Қуандықов.

2025 жылы 13 миллионнан астам жеке тұлғаны қамту жоспарлануда.