Кәсіпкерлер енді серіктестерінің құжаттарын онлайн түрде тексере алады

Мемлекеттік кірістер комитеті бизнес өкілдеріне арналған «Контрагенттер туралы мәліметтер» атты жаңа қызметті іске қосты. Контрагент - кәсіпкердің іскер серіктесі немесе мәміледегі қарсы тарап болып саналады, деп хабарлайды El.kz интернет порталы.

Комитеттің мәліметінше, бұл сервис арқылы компания немесе жеке кәсіпкер туралы бірқатар маңызды ақпаратты алуға болады. Олардың ішінде:

• қандай салықтық режимді қолданатыны,
• ҚҚС бойынша тіркелуі,
• төленген салық көлемі,
• жұмысшылар саны,
• салықтық жүктеме деңгейі,
• басшы мен құрылтайшылар туралы мәліметтер,
• ЭШФ-қа қатысты шектеулердің бар-жоғы немесе сенімсіз ұйымдар тізіміне енуі секілді деректер қамтылады.

Яғни кәсіпкерлер өз жұмыс істейтін серіктесінің салықтарды қалай төлейтіні, қандай қарамағында қызметкерлері бар екені, құрылтайшылары кімдері екені сияқты ақпаратты онлайн түрде еркін тексере алады. Ол үшін Мемлекеттік кірістер комитетінің порталында контрагенттің БСН немесе ЖСН нөмірін енгізу жеткілікті.

Сонымен қатар комитет бұл сервистің бизнес қажеттіліктеріне қарай тұрақты түрде жаңартылып, жетілдіріліп отыратынын атап өтті.