Кардиологтар жүрек ауруының ерекше белгілерін атап өтті

Кардиолог мамандары жүрек мәселелеріне тән, бірақ көпшілік көп мән бере бермейтін бірқатар тосын белгілерді атап өтті, деп хабарлайды El.kz интернет порталы.

Мамандардың айтуынша, ең алдымен тері реңіндегі өзгерістерге назар аудару қажет. Егер адам үнемі қатты бозарып жүрсе немесе керісінше, бетте, әсіресе бет ұшында шамадан тыс қызару байқалса, бұл елеусіз қалдырмауға тиіс белгі.

Сонымен қатар дәрігер мұрын мен ерін арасындағы аймақтың көгеруі, мұрын-ерін үшбұрышының цианозы жүрек жұмысының бұзылуын көрсетуі мүмкін екенін ескертеді. Бұл ауыздың айналасындағы және мұрын маңындағы терінің көгілдірленуімен білінеді.

Дәрігерлер басқа да маңызды белгілерді атап өтті:

• жатқанда, жүргенде немесе аздап қозғалғанда күшейетін жөтел;
• кенет әлсіреу, көз қарауытуы, бас айналу, тіпті есінен тану жағдайлары, әсіресе ауа тар бөлмелерге және жертөлелерге кіргенде байқалса;
• түсініксіз созылмалы шаршау, үнемі ұйқышылдық, жалпы әлсіздік.

Кардиологтың айтуынша, мұндай белгілер жүрек ауруының жасырын дамып жатқанын көрсетуі мүмкін, сондықтан оларды елемей қоюға болмайды.