Испанияда туристерге күтпеген айыппұл енгізілді

Испанияда туристерден қосымша ақы өндіруге мүмкіндік беретін жаңа шара күшіне енді, деп хабарлайды El.kz интернет порталы.

Енді шезлонгтарды ұзақ уақыт бойы иемденіп алған туристерге айыппұл салынуы мүмкін. Бұл ереже «солярий салығы» деп аталып отыр. Daily Mail басылымының дерегінше, айыппұл мөлшері – 250 еуро (шамамен 155 мың теңге).

Бұл ережелер шезлонгтарды алдын ала алып қоюдың алдын алуға бағытталған. Олар аймаққа байланысты әртүрлі болуы мүмкін, бірақ әдетте шезлонгтарда жеке заттарды белгілі бір уақыттан бұрын қалдыруға немесе ұзақ уақыт қараусыз тастап кетуге тыйым салады, – делінген мақалада.

Билік туристердің шезлонгтарды таңғы ерте уақыттан бастап сүлгілерін қойып алып, кешке дейін иеленіп қою әдетімен күресуді көздеп отыр. Қазіргі таңда Испаниядағы көптеген курорттарда шезлонгтарды таңғы 9:30-ға дейін иемденуге тыйым салынған.

Мақала авторының айтуынша, Еуроодақ елдерінде бассейн маңындағы күншуақты орындар үшін туристер арасында жанжал жиілеп кеткен. Кейде ондай жағдайлар жаппай дау-дамай мен төбелеске дейін ұласады.