Ішкі істер министрі Вьетнамның қоғамдық қауіпсіздік министрімен кездесті

Қазақстан Республикасының Ішкі істер министрі Ержан Саденов Вьетнам Социалистік Республикасының қоғамдық қауіпсіздік министрі Лыонг Там Куангпен кездесті, деп хабарлайды El.kz ақпарат агенттігі.

Кездесуге қатысушылар қызмет бағыттары бойынша екіжақты ынтымақтастықты орнату перспективаларын атап өтті. Сондай-ақ трансұлттық қылмысқа қарсы күрес саласындағы өзара іс-қимылдың басым мәселелерін талқылады. Іс-шара барысында министрлер ведомствоаралық меморандумға қол қойды. Тараптар серіктестікті жолға қойып, екі ел полициясының оң тәжірибесімен алмасуға дайын екендіктерін білдірді.