Иран Израильге зымыранмен шабуылдаған сәтін тікелей эфирде көрсетті

Иран Израильді 20-дан астам зымыранмен шабуылдап, олардың төртеуі Тель-Авив пен Негев аймағындағы нысандарға дәл тиген, деп хабарлайды El.kz интернет порталы.

Шабуылдың негізгі нысанасына Бирсеба қаласындағы Сорока ауруханасы айналған, мұнда шабуыл салдарынан 65 адам жарақат алды. Ал бұл сәт тікелей эфирде көрсетілді.

Иран билігінің айтуынша, бұл зымырандар Израильдің шабуылдарына жауап ретінде ұшырылған. Зымырандар Тель-Авив маңына және елдің оңтүстігіндегі бірнеше нүктеге түскен.

Орталық аймақтағы нысандар: Тель-Авив қаласы, Рамат-Ган және Холон. Оңтүстікте зымырандар Бирсеба (Беэр-Шева) қаласындағы ғимараттарға құлаған.

Израильдің жедел жәрдем қызметі жариялаған мәліметке сәйкес, медициналық топтар мен дәрігерлер жедел көмек көрсеткен. Жарақат алғандардың ішінде 3 адамның жағдайы ауыр, 2 адамның жағдайы орташа, ал 65 адам жеңіл жарақат алған - жарылыс пен сынықтардан зардап шеккен.