Ипотеканы қайта қаржыландыру: мөлшерлеме 0,1%-ға дейін төмендетілді

2024 жылдың 1 тамызынан бастап Қазақстанда ипотекалық несиелерді қайта қаржыландыру бағдарламасының шарттары өзгерді. Енді бағдарлама тиімдірек болды, деп хабарлайды El.kz интернет порталы.

Ең басты жаңалық – бұрынғы 2,99 % емес, 0,1 % жылдық мөлшерлемемен қаржы беріледі. Бұл өзгеріс әлеуметтік осал топтар үшін ипотекалық несиелерді жеңілдетуге бағытталған.

Бұл туралы Finratings.kz сайты жазды.

Бағдарламаға қарыз алушылардың өздері ғана емес, ауыр дерттерге (онкология, АИТ, диабет II түрі, созылмалы туберкулез) шалдыққан туыстары барлар, I топтағы мүгедектер, жетім балалар мен 2021–2024 жылдары ипотека алған және баспанасын жоғалту қаупі бар азаматтар да қатыса алады.

Несие банктеріне субсидия Қазақстандық тұрақтылық қоры арқылы 0,1 % мөлшерлемемен беріледі. Осыған байланысты үнемделген қаражат қиын жағдайдағы қарыз алушыларға бағытталады. Банктер бұл "үнемділікті" алғаннан кейін үш ай ішінде осы көмекті қарыз алушыларға қайта бөлуге міндетті. Егер үш айдың ішінде жүзеге асырмаса – айырмашылық мемлекетке қайтарылады.

Қазір ипотеканы қайта қаржыландыру үшін:

• Несиені алған банкке барыңыз;
• Бағдарламаға қатысу туралы өтініш жазып, қажетті құжаттарды (ауруды растайтын анықтама, мүгедектік, жетім және т.б.) тапсырыңыз;
• Банктің шешімін күтіп, жаңа шарттар жайлы келісім алыңыз.

Бағдарлама 2015 жылдан бері жұмыс істеп келеді және 2025 жылдың соңына дейін ұзартылған. Осы уақытқа дейін:

• 2004–2020 жылдардағы 32,9 мың ипотека 3 %-бен қайта қаржыландырылды (жалпы 207,4 млрд ₸);
• 2016 жылға дейін алынған валюталық ипотекалар 15,9 мыңға теңге теңгеріміне ауыстырылды;
• Әлеуметтік отбасы ретінде тіркелген 10,6 мың адамға көмек көрсетілді.

Бұған дейін несие тарихын өзгерту туралы жазған едік.