Ильхам Әлиев ұшақ апатынан қайтыс болғандардың жақындарына көңіл айтты

Әзербайжан президенті Ильхам Әлиев 25 желтоқсан күні Ақтау маңында болған ұшақ апатына байланысты Ресейден Бакуге оралды, деп хабарлайды El.kz ақпарат агенттігі.

Әлиев ТМД мемлекеттері басшыларының бейресми саммитіне қатысу үшін Ресейге барған. Президент қайтыс болғандардың жақындарына көңіл айтты.

Еліміздің Көлік министрлігінің мәліметінше, бортта 37 Әзербайжан, 6 Қазақстан, 3 Қырғызстан, 16 Ресей азаматы болған.

ТЖМ 25 адам түрлі жарақатпен Ақтаудағы облыстық ауруханаға жеткізілгенін хабарлады. Он екі адамның біреуі бала.