"Хит ән табылмай жатыр". Әнші Нұржан Қалжан неліктен сахнадан көрінбей кетуінің себебін атады

Әнші Нұржан Қалжан сахнадан не себепті көрінбей кеткенін айтты, - деп хабарлайды El.kz ақпараттық агенттігі. 

Massaget.kz әншінің "Ұйқым келмейді" бағдарламасына берген сұхбатында айтқан өзі туралы мәліметтері жайлы жазды.

Бүгінде әнші сахнадан кетсе де, тойдан кетпегенін жеткізді.

"Көзден кетсең, көңілден кетесің дейді ғой. Көңілден, көзден кетпей тұру керек. Халыққа сенің жұмыс істеп жатқаныңды, ән жазғанмен хит болмай жатқанын түсіндіре алмайсың ғой. Сондықтан жұмысты тоқтатпай істей беру керек. Тойдан қалмай жатырмыз ғой. Әр әншінің өзінің тыңдарманы бар. Хиті жоқ екен деп, тойға шақырмай қойып жатқан жоқ" , - дейді ол.

Әнші кей кездері тойдағы қонақтар өнер иесін танымай жатады екен.

"Мысалы мен тойға барсам, үлкен қауым бар. Орта буыннан жоғарылардың барлығы кейде атымды ұмытып, "Бұлбұл құссың ғой" деп жатады. Шығармашылықтан сәл алыстағаным әйеліміз екеуміз кішігірім кәсіп бастадық. Дегенмен ән жазуды тоқтатқан емеспін жәй ғана хит болмай жатыр" , - дейді Нұржан Қалжан.