Грузияның жаңа президенті түрмедегі 600-ден астам адамға рақымшылық жасады

Грузия президенті Михаил Кавелашвили инаугурациядан кейін 613 тұтқынға кешірім жасады, деп хабарлайды El.kz ақпарат агенттігі.

Грузия президенті Михаил Кавелашвили "крещение" мерекесіне байланысты 613 адамға кешірім жасады. Грузия Президентінің оған Конституциямен берілген эксклюзивті өкілеттіктерді пайдалануы гуманизм принципіне және мемлекеттік мүдделерге негізделген, - делінген Кавелашвилидің Facebook-тегі хабарламасында.

Грузияның жаңа президентін сайлау 2024 жылдың 14 желтоқсанында өтті. «Грузия арманы» билеуші партиясының атынан осы лауазымға жалғыз үміткер болды. Бұрынғы президент Саломе Зурабишвили сайлау нәтижелерін мойындаған жоқ.

Михаил Кавелашвили 29 желтоқсанда ресми түрде Грузия президенті қызметіне кірісіп, ант қабылдаған еді. Оның инаугурациясы наразылықтар аясында өтті. Саясаткер өзінің алғашқы көпшілік алдында сөйлеген сөзінде елдің еуроинтеграция бағыты жалғасатынын айтқан еді.