Грек-рим күресінен Қазақстан құрамасы әлем чемпионатына қатысады

28-31 қазан күндері Албанияның Тирана қаласында күрес түрлерінен олимпиадалық емес салмақтарда әлем чемпионаты өтеді. ҰОК мәліметінше, аталған сынға Қазақстан командасы да қатысады, деп жазады El.kz ақпарат агенттігі. 

Бұл туралы команданың бас бапкері Юрий Мельниченко мәлім етті. 

Маусымның аяқталуына да аз уақыт қалды. Осы аралықта бізді тағы да ірі жарыс күтіп тұр. 28-31 қазан күндері Албанияның Тирана қаласында Олимпиада бағдарламасына енбейтін салмақ дәрежелерінде әлем чемпионаты өтеді.

Қазір сол додаға дайындық бірінші  орынға шықты. Олимпиадаға қатыспаған балуандар өз мүмкіндіктерін сынап көреді.

Әзірге, чемпионатқа баратын команда тізімі  толық жасақталған жоқ. Қазақстан чемпионатында үздіктер қатарына енген балуандарға басымдық беріледі. Одан бөлек, халықаралық және әлемдік турнирлерде көзге түскен жігіттер де назардан тыс қалмайды.

Егер қажет боп жатса, кейбір салмақтардағы мықты балуанды анықтау үшін өзара бақылау жекпе-жектерін де өткіземіз, - деді бас бапкер.