Геннадий Головкин шаршы алаңға қайта оралады

Америкалық Fight Hub TV Youtube-арнасының авторы Маркос Вильегас промоутер Том Леффлерден қазақстандық боксшы Геннадий Головкиннің қашан шаршы алаңға оралатынын сұрады, деп хабарлады El.kz ақпарат агенттігі prosports.kz сайтына сілтеме жасап.

«Кеше Леффлермен әңгіме барысында Головкин қысқа мерзімді үзіліс алғанын айтты. Дегенмен GGG жазда оралуды жоспарлап отыр», - деп жазды Вильегас твиттерде.

Естеріңізге сала кетейік, жақында Геннадий Головкин IBF және WBA Super тұжырымы бойынша орта салмақтағы әлем чемпионы белбеуінен бас тарту туралы шешім қабылдаған болатын. Қазіргі уақытта отандық боксшыда тек IBO титулы ғана бар.