Гавай аралдарындағы өрттен 100-ге жуық адам қаза тапты

Мауидегі ауқымды өрттен қаза тапқандар саны 93 адамға жетті, деп хабарлайды El.kz ақпараттық агенттігі BBC News-ке сілтеме жасап.

Тарихи Лахайна қаласын жойған өрт АҚШ жүз жылдығындағы көп адам қаза тапқан табиғи апат болып отыр.

Гавай губернаторы Джош Грин сенбіде құрбандардың саны «айтарлықтай артуы» мүмкін екенін ескертті, өйткені сот-медициналық сараптама мәйіттердің жеке басын анықтауды жалғастыруда. Жүздеген адам жоғалып кеткендер тізімінде.

Гриннің айтуынша, өрт «Гавай аралдарында бұрын-соңды болмаған ең ауыр табиғи апат. Қазір біздің мақсатымыз — адамдарды табыстырып, оларды тұрғын үймен және медициналық көмекпен қамтамасыз ету, содан кейін қалпына келтіруге кірісеміз», - деп қосты губернатор.

Қазіргі уақытта өрт бақылауға алынғанымен, оны толығымен сөндіру жұмыстары аралдың кейбір бөліктерінде, соның ішінде өртенген Лахайнаның айналасында жалғасып жатыр.

Билік күш-жігерін аралдың жағалау аймағындағы үйінділердің астынан мәйіттерді анықтай алатын арнайы үйретілген иттерді қолдана отырып, барын салуда.

Әзірге іздеу аймағының тек 3%-ы қамтылды, деді жергілікті полиция бастығы Джон Пеллетье. Оның айтуынша, барлық құрбандарды анықтау үшін жедел ДНҚ талдауы қажет.

Өрт тұтанғанна бастап 2000-нан астам ғимарат бүлінген немесе қираған. Олардың көпшілігі Лахайнадағы үйлер.

Вашингтоннан Гавайға көмек көрсету күшін үйлестіретін Тынық мұхитындағы апаттарды жою орталығының мәліметі бойынша, Мауиді қалпына келтіру құны 5,5 миллиард долларға бағаланып отыр.