Ғалымдар соңғы екі айдағы ең ірі күн жарқылын тіркеді

Астрономдар күн бетінде соңғы екі ай ішіндегі ең қуатты жарқылдың болғанын айтты, деп хабарлайды El.kz интернет порталы.

Максималды сәулелену 28 қазан күні, Астана уақытымен 08:24-те тіркеліп, оның деңгейі M4.6 болды. Қазіргі бес деңгейлі жіктеу бойынша бұл көрсеткіш төртінші санатқа жатады.

Мамандардың айтуынша, белсенді аймақтар әзірге Жерге тікелей бағытталмаған, бірақ алдағы тәулікте олардың бағыты өзгеруі мүмкін. Бұл өз кезегінде біздің планетаға әсер ету ықтималдығын арттырады.
Плазманың алғашқы шеткі әсерлері 28 қазан кешінде, ал негізгі ықпалы 30 тамыздың екінші жартысында байқалады деп күтілуде.