Футзалдан Данияға қарсы Қазақстан құрамасының тізімі белгілі болды

Футзалдан Қазақстан ұлттық құрамасының бас бапкері Рикардо Кака 2026 жылғы Еуропа чемпионатының іріктеу кезеңіндегі Данияға қарсы кездесулерге шақырылған ойыншылардың тізімін жариялады, деп хабарлайды El.kz ақпарат агенттігі.

Футбол федерациясының мәліметінше, тізімге 16 ойыншы енді.

Қақпашылар: Лео Игита, Нарун Серіков, Рауан Сисенғалиев. 

Ойыншылар: Жуниор Дуглас, Арнольд Кнауб, Біржан Оразов, Дәурен Тұрсағұлов, Жахангір Рашит, Дамир Қайырбай, Ілияс Бердалин, Ақжол Дәрібай, Ринат Төреғазин, Ержан Карменов, Азат Валиуллин, Ерсұлтан Сағындықов, Мендонка Лео.

Оқу-жаттығу жиыны ертең, 27 қаңтарда Астанада басталады. 29-күні команда Сённерборгқа аттанады.

Еске сала кетейік, ақпан айында Қазақстан құрамасы Данияға қарсы матч өткізеді.

Дания – Қазақстан
01.02.2025 | 19:00
Броагер Спарекассе Скансен, Сённерборг

Қазақстан – Дания ?? 
05.02.2025 | 19:30
Ж.Үшкемпіров атындағы жекпе-жек сарайы, Астана