Фейк: Қазақстан Ресейге көмек көрсету үшін әскери техника жібереді

ҚР Қорғаныс министрлігінің хабарлауынша, желіде жарияланған видеода 26 қыркүйек пен 8 қазан аралығында Қазақстан аумағында өткен ҰҚШҰ-ның ұжымдық жедел әрекет ету күштерінің қатысуымен өткен бірлескен оқу-жаттығулардан қайтып бара жатқан әскери техника көрсетілген, деп хабарлайды El.kz

Министрліктің сайтында жарияланған ресми ақпаратқа сәйкес, «8-15 қазан аралығында Қазақстан аумағы бойынша әскери эшелондар тұрақты орналасқан пункттеріне қайтады.

Ресей Федерациясы мен Беларусь Республикасы Қарулы күштерінің әскери контингенттері еліміздің аумағы бойынша «ҚТЖ» ҰК» АҚ-мен бұрын келісілген эшелондар қозғалысының кестесі бойынша екі бағытта: оңтүстіктен шығысқа және батысқа қарай қозғалады».

Бұдан басқа, хабарламада Қазақстан Қарулы күштерінің құрамалары мен бөлімдері ел аумағы бойынша темір жол көлігімен және әскери техникамен өтеді делінген.

Демек, таралған ақпарат жалған. Видеодағы техника Ресей Федерациясына бара жатқан жоқ, ол оқу-жаттығудан қайтып келеді.