Еуропада тұмау жұқтырғандар саны күрт артты

Еуропада тұмау өршіп тұр, деп хабарлайды El.kz ақпарат агенттігі.

Франция мен Испанияда ауруханаға түскендердің саны соңғы бір аптада күрт көбейген. Дені - 15 жасқа дейінгі балалар мен 60-тан асқан адамдар.

Румынияда дерттен 4 адам қаза тапты. Жұқпалы аурудың таралуына тосқауыл қою үшін дәрігерлер халықты тұмауға қарсы екпе салдыртуға шақыруда.

Сондай-ақ Еуропаның бірқатар елдерінде ауруханаларда, адам көп шоғырланатын жерлерде  қайтадан маска тағуға кеңес беріп жатыр.