Еуропа елдері «суверенді жасанды интеллект» жүйелерін құрып жатыр

Еуропа жасанды интеллект саласында АҚШ-тың технологиялық алпауыттарына тәуелділікті азайтуды көздеп отыр. ChatGPT пайда болып, ІІ технологиялары жаһандық деңгейде жедел дамыған үш жыл ішінде бірқатар еуропалық мемлекеттер өздерінің ұлттық жасанды интеллект платформаларын қалыптастыруға кірісті, деп хабарлайды El.kz интернет порталы.

Суверенді жасанды интеллект - бұл мемлекеттің ІІ жүйелерін өз аумағында әзірлеу, орналастыру, пайдалану және реттеу қабілеті. Мұндай модель ұлттық қауіпсіздікті күшейтіп, азаматтардың деректерін шетелдік платформаларға тәуелді болмай қорғауға мүмкіндік береді.

Еуропалық парламенттің маусым айында жариялаған есебінде одақтың «шетелдік технологияларға, әсіресе АҚШ компанияларына қатты тәуелді» екені атап өтілген. Құжатта АҚШ-тың ІІ саласына 500 млрд доллар (шамамен 433 млрд еуро) көлемінде инвестиция салуы бұл тәуелділікті жақын уақытта азайтуға кедергі келтіретіні көрсетілген.

ЕО өз позициясын күшейту үшін ғылыми зерттеулерге қаржы құюы және жаңа технологиялық шешімдер әзірлеуі қажет екенін мәлімдеді. Бұл бағытта бастаманы жекелеген мемлекеттердің үкіметтері қолға алып отыр.

Қазіргі таңда бірнеше еуропалық ел суверенді ІІ жүйелерін құруды бастады. Euronews Next осы бастамалардың қазіргі деңгейін талдап, Еуропада ұлттық жасанды интеллект платформалары қалай қалыптасып жатқанын зерттейді.