Еурокомиссия басшысы Трампты тарифтер бойынша келіссөздер жүргізуге шақырды

Еуропалық одақ АҚШ-пен баж салығы бойынша келіссөздер жүргізуге дайын. Бұл туралы  Еурокомиссия басшысы Урсула фон дер Ляйен мәлімдеді, деп хабарлайды El.kz ақпарат агенттігі.

Оның айтуынша, АҚШ жариялаған тарифтер бүкіл әлемдегі бизнес пен тұтынушыларға ауыр соққы болады.

Еуропа жауап беруге дайын. Біз әрдайым өз мүдделеріміз бен құндылықтарымызды қорғаймыз. Сонымен қатар біз диалогқа және текетірестен келіссөздерге көшуге дайынбыз, – деп жазды Еурокомиссия басшысы X әлеуметтік желісінде.

Айта кетейік, бұған дейін Трамп 185 елге қатысты баж салығын енгізетінін мәлімдеген. Соның ішінде Қазақстан үшін – 27%, Украина, Грузия, Әзербайжан, Армения, Түрікменстан, Қырғызстан, Өзбекстан және Тәжікстан үшін – 10%.

Ал Ресей, Беларусь, Иран, Куба және Солтүстік Корея бұл тізімге кірмеген.