Этносаралық қатынастарды дамыту комитетіне жаңа төраға тағайындалды

Мәдениет және ақпарат министрлігінің этносаралық қатынастарды дамыту комитетінің төрағасы қызметіне Жанар Досаева тағайындалды, деп хабарлайды El.kz интернет порталы. 

Жанар Рысбайқызы 1974 жылы Қостанай қаласында дүниеге келген. А.Байтұрсынов атындағы Қостанай мемлекеттік университетін және «Тұран-Астана» университетін бітірген. Еңбек жолын 2003 жылы Астана қаласы Ішкі саясат департаментінің Талдау, мониторинг және жастар саясаты бөлімінің бас маманы болып бастаған.

2003–2007 жылдары — Мемлекеттік білім беру және тестілеу стандарттары ұлттық орталығының әкімшілік-талдау бөлімінің басшысы, 2008–2017 жылдары ҚР Мәдениет министрлігінің құрылымында түрлі лауазымды қызмет атқарды. Ал 2019–2025 жылдары ҚР Президенті Әкімшілігінде түрлі лауазымда жұмыс істеді. 

2025 жылдан бастап қазіргі уақытқа дейін ҚР МАМ Мәдениет комитеті төрағасының орынбасары қызметін атқарған.