Басты
Жаңалықтар
Ескі 5000 теңгелік купюралар дүкендерде жарамсыз болады

Ескі 5000 теңгелік купюралар дүкендерде жарамсыз болады

Перизат Саденова
Фото: gov.kz

2025 жылдың 24 қыркүйегіне дейін 2011 жылғы үлгідегі 5000 теңгелік банкноттар заңды төлем құралы ретінде қолданылады. Осы мерзімнен кейін дүкендер оларды қабылдамайды, деп хабарлайды El.kz интернет порталы.

Ұлттық банк төрағасы Тимур Сүлейменовтың айтуынша, ескі купюралар айналымнан біртіндеп шығарылады.

Банктер жеке және заңды тұлғалардан бұл банкноттарды қабылдап, біздің облыстық филиалдардағы қоймаларға өткізеді. Бірнеше жылдан кейін де қолында қалған ескі ақша иелері Ұлттық банк филиалдарына келіп, номинал құны бойынша айырбастай алады, – деді ол.

Параллель айналым кезеңі аяқталғаннан кейін барлық екінші деңгейлі банктер мен «Қазпошта» үш жыл бойы ескі купюраларды жаңасына ауыстырады. Ал Ұлттық банктің облыстық филиалдары ескі ақшаларды мерзімсіз қабылдайды.

купюра банк
Қысқа да нұсқа. Жазылыңыз telegram - ға

Оқи отырыңыз

{