Есіл–Арқалық теміржол өткелінде екі көлік соқтығысты

Есіл-Арқалық учаскесінің реттелетін күзетілмейтін теміржол өткелінде DAF және Mercedes маркалы көліктері соқтығысты. Оқиға19 шілдеде сағат 13:07–де болған, деп хабарлайды El.kz интернет порталы.

Жол-көлік оқиғасы пойыздар қозғалысына кедергі келтірген. Зардап шеккендер жоқ.

ҚТЖ мәліметінше, сағат 13:56-да тіркеме жолдан шығарылып, учаскедегі қозғалыс қалпына келтірілді. Жол апаты туралы ақпарат  Есіл қаласының жол полициясына берілді. 

Айта кетсек, өткел қажетті белгілермен жабдықталған. 

Еске салсақ, кеше 18 шілдеде Шу-Шығанақ учаскесінің теміржол өткелінде көлік пойызбен соқтығыса жаздаған болатын.