Ержан Максим халықаралық байқауда бас жүлдені жеңіп алды

Жас әнші Ержан Максим «WAF CONTEST» бірінші Халықаралық байқауының гран-при жүлдесін жеңіп алды, деп хабарлайды El.kz ҚазҰӨУ баспасөз қызметіне сілтеме жасап.

Македонияның астанасы Скопье қаласында өткен байқауда жас дарын  сонымен қатар жыл сайынғы WAF AWARDS сертификатымен марапатталды.

Бұл екі жарысты Дүниежүзілік фестивальдар қауымдастығы өткізеді. WAF өткізген әр түрлі байқауларының белсенді қатысушылары жыл соңында марапатталады.

Бұл марапаттар дарынды жастардың жетістіктерін дәріптеуге арналып және олардың шығармашылығын қолдауға және насихаттауға бағытталған. Биыл WAF CONTEST байқауында Еуропа және Азияның 16 мемлекеттерінің, оның ішінде Қазақстан өкілдері де қатысқан жараста 32 қатысушы бақ сынады, - делінген хабарламада.

Ержан Максим – ҚазҰӨУ мектебінің эстрадалық вокал бойынша 9-А сынып оқушысы. Халықаралық деңгейде танымал жас дарын.