Ерлан Ахмеди ШЫҰ-ның басты ерекшелігін атады

Халықаралық саяси сарапшы Ерлан Ахмеди ШЫҰ-ның ерекшелігіне тоқталды, деп хабарлайды El.kz ақпарат агенттігі.  

Бүгінгі саммиттің тағы бір ерекшелігі – ШЫҰ-ға мүше мемлекеттер ғана емес, ШЫҰ+ форматында өтіп, Түркия және араб мемлекеттерінің басшыларының қатысуында. 2022 жылғы Самарқандағы саммитті еске түсірсек, Түркия президенті Режеп Тайып Ердоған Түркияның осы ұйымға қосылуға ниетті екенін айтқан. Қазір Моңғолия – бақылаушы ел. Болашақта бұл мемлекет те ұйымға мүше атануы мүмкін. Еуразиялық ұйымға айналған ШЫҰ-ға қызығушылық өте жоғары. Бұрын Азия елдерінің ұйымы ретінде қабылданса, қазір құрлықтық ұйымға айналып келеді. Мемлекет басшысы Қасым-Жомарт Тоқаев өз сөзінде «ШЫҰ қазіргі таңда нәтижелі, сәтті, ұйымдардың бірі» деп баға берген болатын, - деді Ахмеди.

Саммитке 16 елден президенттер, үкімет басшылары және беделді халықарлық ұйым жетекшілері келді. Алқалы жиын алғаш рет ұйымға мүше мемлекет басшылары кеңесінің отырысы мен кездесуі форматында өтеді.