Ерекше қажеттілігі бар адамдар мен олардың күтушілерін қолдау шаралары күшейеді

Мемлекет басшысы Қасым-Жомарт Тоқаев әлеуметтік тұрғыдан осал топтағы азаматтарды қолдау – басты міндеттің бірі екенін айтты, деп хабарлайды El.kz  ақпараттық агенттігі.

"Әлеуметтік тұрғыдан осал топтағы азаматтарды қолдау – басты міндеттің бірі. Қиындыққа тап болған жандар еш көмексіз қалмауы керек. Мемлекеттің әділдігі мен қоғамның жанашырлығы осындайда көрінеді. Әсіресе, ана мен баланы қорғауға айрықша көңіл бөлінуге тиіс", деді Қасым-Жомарт Тоқаев.

Биыл президенттің тапсырмаммен бала күтіміне жәрдемақы беру мерзімі 1 жылдан 1,5 жылға ұзартылған болатын.

Сонымен қатар тұрмысы төмен отбасындағы 1 жастан 6 жасқа дейінгі балаларға берілетін әлеуметтік көмек қайта қаралды. Енді 100 мыңнан астам бала бұл көмекті ақшалай алатын болады.

"Көпбалалы отбасыларға да айтарлықтай қолдау көрсетіліп жатыр. Жарты миллионнан астам отбасына арнайы жәрдемақы төленеді. Мен былтыр «Ұлттық қор – балаларға» бастамасын көтердім. Қазір осы бастаманы жүзеге асыруға дайындық жүргізіліп жатыр. Мемлекет мұқтаж жандарға атаулы әлеуметтік көмек көрсетуді жалғастыра береді", деді Мемлекет басшысы.