«Ерекше балалармен ерекше күн». Samruk-Kazyna Trust БАҚ қызметкерлерін мерекесімен құттықтады

Samruk-Kazyna Trust елордалық БАҚ қызметкерлерін құттықтады. Журналисттер кәсіби мекересінде ерекше балалармен бірге спорттық шараға қатысты, деп хабарлайды El.kz ақпарат агенттігі.

Астана қаласы Паралимпиада жаттығу орталығында бас қосқан бұқаралық ақпарат қызметкерлері ерекше балалармен бірігіп, спорттық эстафета өткізді. Аталған іс шарадан қаламгерлер де, балалар да ерекше әсер алды. «Samruk-Kazyna Trust» әлеуметтік жобаларды дамыту қорының бас директоры Альфия Адиеваның айтуынша, бұл шара екінші жыл қатарынан ұйымдастырылып отыр.

Елімізде, жалпы әлемде қоғамды қандай да бір мәселе толғандырса, ол жайлы қалам тербейтін БАҚ өкілдері. Билік пен бұқара арасында дәнекер болатын да осы журналистер тарапы. Баршаңызды Журналистер күнімен құттықтап, отбасыларыңызға бақыт, қызметтеріңізге жеміс тілеймін. Жұмысымызда «Бар жақсылық – балаларға» деген ұстанымға айрықша назар аударамыз. Жас ұрпаққа арналған жобалар халықтың осал топтарын қолдау, денсаулық сақтау, білім беру және бұқаралық спортты дамыту салалары секілді бағыттарда іске асырылуда - деді А.Адиева

Айта кетейік, биыл «Samruk-Kazyna Trust» қоры 18 мың баланы қамтитын 20-дан астан жобаны іске асырып отыр.