Ерболат Досаев Алматыдағы барлық муралдарды заңдастырамыз деп айтты

Алматы қаласының әкімі муралдармен болған жағдайға қатысты түсініктеме берді, деп хабарлайды El.kz ақпарат агенттігі.

Ол муралдарға ресми мәртебе берілмесе, мәселе шешілмейтінін қадап айтты.Қазіргі уақытта Алматы қаласының жобалық кодексі пысықталуда, онда муралдар бөлініп, жарнаманы орналастыру мен өзгертуге қатысты мәселелерді сәулет және қала құрылысы басқармасымен келісу қажеттігі көрсетілген.

Өкінішке қарай, Coca-cola жарнамасына қатысты оқиға МИБ жұмысының салдарынан болды - өкілдер келісімге қол қойып, қосымша 1,5-2 миллион теңге алған. Ал компания бүйір қабырғаға «бұл біздікі» деп жарнама іліп қойған . Және бұл - дұрыс, өйткені бүгінгі муралдармен не істеуге болатыны туралы нақты ережелер жоқ, - дейді Ерболат Досаев.

Ол қалада әртүрлі муралдар бар: қорғалуы керек көркем шығармалар, бірақ бір уақытта әртүрлі себептермен пайда болғандар да бар. Олар қалаға көрік бермейді. Біз аудандар бойынша муралдардың тізімін жасаймыз және анықтаймыз деп айтты.

Муралдарды заңдастыру қажет. Қаладағы ғимараттардың бос сұр қабырғаларына көрік беру үшін біз суретшілермен жұмыс істейміз, - дейді әкім.

Айта кетейік, бұған дейін алматылықтар қар барысы бар қабырға суретін өшіргені үшін наразы болған еді. Оның орнына Coca-Cola жарнамасы пайда болып, әлеуметтік желілерде сын тудырды.

Сосын Coca-Cola компаниясы жарнама үшін басқа үйдің қабырғасы таңдалғанын, бірақ тұрғындардан қажетті келісімді алу мүмкін болмағанын айтты.