Энергетика министрлігінің аумақтық департамент басшысы ұсталды

Энергетика министрлігінің энергетикалық қадағалау және бақылау комитетінің Қызылорда облысы бойынша аумақтық департаментінің басшысы ұсталды, деп хабарлайды El.kz интернет порталы.

ҰҚК Сыбайлас жемқорлыққа қарсы іс-қимыл қызметтің ресми мәліметінше, ол жер қойнауын пайдаланушылардан жүйелі түрде материалдық пайда алуға мүмкіндік беретін сыбайлас жемқорлық схемасын ұйымдастырды деген күдікке ілініп отыр.

Қазіргі уақытта Қылмыстық кодекстің 362-бабы 4-бөлігінің 3-тармағы (Билiктi немесе лауазымдық өкiлеттiктерді асыра пайдалану) және 364-бабы 1-бөлігі (Кәсіпкерлік қызметке заңсыз қатысу) бойынша тергеу іс-шаралары жүргізілуде. Қамауда ұстау бұлтартпау шарасы ретінде тағайындалды.