«Еңбекші Jastar»: Ақтаулық оқушылар теңізшілермен кездесті

Ақтау қаласындағы «Білім-Инновация» лицейінде Маңғыстау облысының жастар ресурстық орталығының ұйымдастыруымен «Еңбекші Jastar» жобасы аясында ерекше кездесу өтті, деп хабарлайды El.kz ақпарат агенттігі.

Оқушылар еліміздің теңіз көлігі саласының мамандарымен жүздесті. «Қазақтеңізкөлікфлоты» компаниясының өкілдері теңізші мамандығының артықшылықтары, кемедегі жұмыс тәртібі мен шетелдік рейстер туралы қызықты ақпараттарды бөлісті.

Кездесу интерактивті форматта өтіп, оқушылар өз сұрақтарына нақты жауаптар алды. Шара соңында кәсіптік бағдар беретін бейнематериалдар ұсынылды.

«Еңбекші Jastar» – жастарды жұмысшы мамандықтармен таныстырып, еңбекке деген құрметті арттыруды мақсат етеді.