Елорданың этномәдени бірлестіктері студенттер саябағында концерт берді

Нұр-Сұлтан қаласының студенттер саябағында елорданың Қазақстан халқы Ассамблеясы этномәдени бірлестіктерінің шығармашылық топтары астана әкімдігінің қолдауымен қала тұрғындары мен қонақтарына арнап концерт өткізді.

Жайма шуақ демалыс күні саябақта серуендеп жүрген көрермендердің алдында елордалық Ассамблея этномәдени бірлестіктерінің «Таң» татар-башқұрт этномәдени орталығы», «Лад» республикалық славян қозғалысының филиалы, «Вайнах» шешен-ингуш этномәдени орталығының» шығармашылық топтары өз өнерлерін паш етті.