Елордалық құтқарушылар лифт ішінде қалып қойған адамдарға көмектесті

Нұра ауданындағы көп қабатты тұрғын үйлердің бірінде 3 адам, оның ішінде 2 бала лифт ішінде тұрып қалды, деп хабарлайды El.kz ақпарат агенттігі.

Шақырту орнына келген құтқарушылар лифт есігін лифт кілтінің көмегімен ашып, адамдарға шығуға көмектесті. Олар медициналық көмекке мұқтаж емес.

ТЖМ лифтте тұрып қалсаңыз келесі ережелерді еске салады:

диспетчерге хабарласыңыз;

барлық түймелерді қатарынан баспаңыз;

лифт есіктерін өзіңіз ашуға тырыспаңыз;

барлық сыртқы байланыс арналарын пайдаланыңыз.