Елордада жыл басталғалы 11 өрт болды

Жыл басынан бері елордада өртті абайсыз пайдалану себебінен 11 өрт болды, деп хабарлайды El.kz ақпараттық агенттігі.

Осы себептен өткен демалыс күні бір өрт болды. 

Мәселен, 12 ақпанда сағат 16:35-те елордалық өрт сөндірушілер Балқаш көшесі, 11 мекенжайына өртке шықты. 

Елордалық ТЖД өрт сөндірушілері жеке құрамының 16 адамы және 3 бірлік техникасымен келгеннен кейін төрт бөлмелі бір қабатты тұрғын үйде үй заттары мен жиһаздардың өртенгені анықталды. Өрт кезінде улы газдан уланған 1957 жылы туған әйел № 1 қалалық ауруханаға жеткізілген. Өрт сөндірушілердің кәсіби әрекеттерінің нәтижесінде өрт сағат 17:46-да жойылды. 

Құрметті азаматтар, Астана қаласының ТЖД өрт қауіпсіздігі ережелерін сақтауды еске салады: 

- электр және газ аспаптарын қараусыз қалдырмаңыз, сондай-ақ оларға балаларды жібермеңіз; 

- жанып жатқан пешті қараусыз қалдырмаңыз;

- жарықтары бар пешті пайдаланбаңыз;

- жылыту маусымы басталғанға дейін және жылыту маусымы бойы әр үш ай сайын түтін мұржаларын күйеден тазартуды ұмытпаңыз;

-отынды тез тұтанатын сұйықтықпен жағуға болмайды және ыстық заттар мен материалдарды пеш алдындағы төсемеге қоймаңыз; 

- төсекте темекі шекпеңіз;