Елордада ұлттық мәдениет пен құндылықтарға арналған шығармашылық кеш өтеді

25 қыркүйекте сағат 15:00-де елордадағы Достық үйінде «Ұлы даланың киелі мұрасы – ұлттық домбыра» атты шығармашылық кеш өтеді.

Ұйымдастырушылардың ақпаратына сәйкес, шығармашылық кештің құрметті қонағы ретінде жыраулық дәстүрді жалғастырушы, белгілі жырау Алмас Алматов пен дәстүрлі әнші Ерлан Рысқали елорда этномәдени бірлестіктері өкілдері мен жастарға ұлттық мәдениет туралы кеңінен әңгімелеп береді.

Бұл кештің ерекшелігі – Достық үйінде қазақы дәстүрмен емін-еркін жағдайда сұқбаттасу жүргізіледі әрі домбырадан жыр төгіледі.