Елордада қазақ-қырғыз арасында саяси консультация өтті

Қазақстан мен Қырғызстан сыртқы істер министрлерінің орынбасарлары деңгейінде саяси консультациялар өтті, деп хабарлайды El.kz интернет порталы.

Қазақ делегациясын Сыртқы істер министрінің орынбасары Ермұхамбет Қоныспаев, ал қырғыз делегациясын Сыртқы істер министрінің бірінші орынбасары Асеин Исаев басқарды.

Тараптар одақтастық қатынастардың қазіргі жай-күйі мен оны одан әрі нығайту перспективаларын талқылап, биік және жоғары деңгейлерде қол жеткізілген уағдаластықтардың жүзеге асырылу барысын жан-жақты қарастырды. Сауда-экономикалық, инвестициялық, транзиттік-көліктік, су-энергетикалық және мәдени-гуманитарлық ынтымақтастықты кеңейтуге ерекше назар аударылды, - деп жазылған СІМ хабарламасында. 

Делегация басшылары өңірлік және халықаралық күн тәртібіндегі өзекті мәселелер бойынша «сағаттарды теңестірді», сондай-ақ көпжақты форматтарда өзара қолдау көрсетуді жалғастыруға берік міндеттемелерін растады.