Елордада Пулитцер сыйлығының лауреаты журналистермен кездесті

Пулитцер сыйлығының лауреаты, фотограф, Associated Press агенттігінің бұрынғы фото­журналисі Лю Хен Шинг өзінің еңбек жолы мен өзі түсірген фото­суреттерге шолу жасап, қазіргі фото­жур­налистиканың мәселесін қозғады, деп хабарлайды El.kz ақпараттық агенттігі.

“Астанаға форумға келген Пулитцер сыйлығының лауреаты Лю Хен Шинмен журналистеріміздің Казмедиaдағы еркін форматтағы сағаттан аса созылған әңгімесі әсерлі өтті. Әріптестеріміз ағылшынша дидарласып жатты”, - деп жазды Махат Садық.

Айта кетейік, елорда төрінде тұңғыш рет Орталық Азия медиа форумы өтіп жатыр. Іс-шараға шетелдерден келген экс-президенттер, халықаралық ұйымдардың басшылары, мемлекет және қоғам қайраткерлері, медиа саласының майталман мамандары мен танымал тұлғалар қатысып жатыр.