Елордада мемлекеттік қызметкерлер ағаш отырғызды

Елордадағы «Барыс Арена» спорт кешенінің аумағында сенбілік өтті, деп хабарлайды El.kz ақпарат агенттігі.

Экология және табиғи ресурстар министрлігінің мәліметінше, оған депутаттық корпус өкілдері, министрлік, әкімдік қызметкерлері және басқа да экоактивистер қатысып, жиында барлығы 150-ге жуық көшет отырғызылды.

Аталмыш шара қала тұрғындарын елорда аумағын көгалдандыруға жұмылдыру және қоршаған ортаға жауапкершілікпен қарауды насихаттау.

Сенбілік жұмыстары «Таза Қазақстан» экологиялық мәдениетін дамыту тұжырымдамасын іске асыру аясында жүргізілуде, - делінген мәліметте.

Сонымен қатар Нұра-Есіл каналының жағалау аймағында қалалық инфрақұрылымның негізгі объектілерінің бірі - контрреттегіштің жанындағы айналма жол аумағын жинау жұмыстары жүргізілді.

Аталған акцияға 100-ге жуық адам қатысты, олардың ішінде мемлекеттік органдардың өкілдерімен қатар, еріктілер де бар.

Жиналған аумақтың жалпы ауданы 5га жуық, ал жиналған қоқыстың көлемі 6 тонна.