Елордада ауыл жастарының IV форумы өтті

Елордада ауыл жастараның IV форумы өтті, деп хабарлайды El.kz ақпараттық агенттігі. Бұл туралы Ұлттық экономика министрлігі мәлімдеді.

Іс-шараға ҚР Ұлттық экономика министрлігінің, «Ауыл» халықтық-демократиялық патриоттық партиясының өкілдері, жас мемлекеттік қызметшілер, кәсіпкерлер, жастар бірлестіктерінің белсенділері, спортшылар және студенттер қатысты.

Форумға қатысушылар алдында сөз сөйлеген ҰЭМ аппаратының басшысы Данабек Керімрай «Ауыл – Ел бесігі» жобасының іске асырылу барысы және «Дипломмен ауылға» бағдарламасының негізгі бағыттары туралы айтып берді.

Сондай-ақ, кездесу барысында жұмыспен қамту, бизнесті дамыту, білім беру сапасы және ауылдарда әлеуметтік инфрақұрылымды дамыту мәселелері көтерілді. Сонымен қатар, қатысушылар әзірленіп жатқан ауылдық аумақтарды дамыту тұжырымдамасына өз ұсыныстарын айтты.