Еліміздің қазіргі бессайыс федерациясының жаңа президенті сайланды

Қазақстандық қазіргі бессайыс федерациясының жаңа президенті сайланды, деп хабарлайды El.kz интернет порталы.

Астанада Қазақстандық қазіргі бессайыс федерациясының жиыны өткен болатын. Іс-шараға Қазақстан Ұлттық Олимпиадалық комитетінің бас директоры Нұрлан Нөгербек, Туризм және спорт вице-министрі Серік Жарасбаев, ҚҚБФ вице-президенті Юрий Соловьёв, атқарушы директор Замир Ихсанғалиев, бас хатшы Леонид Зимарев, сондай-ақ өңірлік филиалдардың басшылары қатысты.

Жиынның күн тәртібінде өзекті мәселелер қаралды, олардың ішінде маңыздысы - федерация президентін сайлау. Облыстық федерациялардың басшылары мен спорт қауымдастығының өкілдері Арман Жаркеевтің кандидатурасын бірауыздан қолдады.

Жыл басында Ербол Мырзабосынов халықаралық су спорты түрлері федерациясының президентімен кездескені айтылған еді. Сондай-ақ, былтыр жыл соңында Қазақстан футбол федерациясының президенті сайланған.