Елімізде ЖРВИ-мен ауырғандар саны азайды

Биыл эпидемиологиялық маусымы басталғлы бері ЖРВИ-дың 150,7 мың жағдайы тіркелді, өткен эпидемиялық маусымның ұқсас кезеңімен салыстырғанда сырқаттанушылық 1,9 есеге төмендеді, деп хабарлайды  El.kz интернет порталы.

Денсаулық сақтау министрлігінің мәліметінше, биылғы маусымда тұмау жағдайлары тіркелмеген. 2025 жылдың 8 айындағы көптеген инфекциялық аурулардың эпидемиологиялық жағдайы да тұрақты болып қала береді.

Жүргізіліп жатқан профилактикалық және эпидемияға қарсы іс-шаралардың арқасында елде оба, тырысқақ, дифтерия, полиомиелит, іш сүзегі және паратифті қоса алғанда, 21 инфекция жағдайы тіркелмеген.
33 инфекция бойынша сырқаттанушылықтың айтарлықтай төмендеуі байқалады. Атап айтқанда, қызылша – 11 есе, көкжөтел – 8,1 есе, А вирустық гепатиті – 2,5 есе, коронавирус инфекциясы-1,6 есе. 

Жағдайдың жақсаруы паразиттік және ішек инфекцияларында да байқалады. Қызылша бойынша жағдай тұрақтануда: бір жыл бұрын 27 856-ға қарсы 2 569 жағдай тіркелді. Алайда жағдайлардың шамамен 76%-ы вакцинацияланбаған.

Көкжөтелдің ұқсас көрінісі: жағдайлардың 89%-ы вакцинацияланбаған адамдарға тиесілі.

Осы ретте министрлік ата-аналарды вакцинациялауды назардан тыс қалдырмауға шақырады және балалардың денсаулығын сақтау үшін екпелердің маңыздылығына назар аударады.

Аурулардың алдын алу үшін дәрігерлер мыналарды ұсынады:

- адамдар көп жиналатын жерлерде маскалар мен антисептиктерді қолдану;

- бөлмелерді жиі желдетіп, гигиена ережелерін сақтау;

- иммунитетті теңдестірілген тамақтанумен нығайту және алғашқы белгілерде уақтылы медициналық көмекке жүгіну.