Елімізде танымал лотерея дүңгіршектерінің жұмысы тоқтатылды

Енді елімізде электронды лездік лотереяларды сататын дүңгіршектер жұмыс жасамайды, деп хабарлайды El.kz ақпарат агенттігі.

Туризм және спорт министрлігінің баспасөз қызметі осы дүңгіршектерге қатысты қазақстандықтар мен мемлекеттік органдарға шағымдар жиі түсетінін айтты.

Министрліктің 2024 жылғы 20 қаңтардағы соңғы ұсынымдарына сәйкес лотерея операторы 2024 жылғы 30 қаңтардан бастап республика бойынша Lotomatic терминалдары/дүңгіршектер арқылы электронды лездік лотереяны таратуды уақытша тоқтатты, - деп атап өтті ведомстводағылар.

Алайда кейбір жерлерде ресми «сары-көк» Lotomatic терминалдары ретінде көрнекі түрде стильдендірілген контрафактілік машиналар жұмыс істей беруі мүмкін. 

Минитсрлік өкілдері заңсыз лотерея терминалдарының қызметтерін пайдаланбауды, заңсыз лотереяның барлық фактілері туралы хабарлауды сұрайды.