Елімізде тағы бірнеше жол учаскесі ақылы болуы мүмкін

Қазақстанда бірнеше автомобиль жолы учаскесін ақылы ету жоспарланып отыр, деп хабарлайды El.kz ақпарат агенттігі.

Интернеттегі Ашық НҚА порталында жарияланған бұйрық жобаларына сәйкес, мына жол учаскелерін ақылы ету ұсынылып отыр:

Балқаш – Бурылбайтал;
Ақтау – Бейнеу;
Қандыағаш – Мақат;
Қостанай – Денисовка;
Тараз қаласын айналып өтетін жол;
Үшарал – Достық;
Шу – Бурылбайтал.
Бұл жобалар Ашық НҚА порталында қоғамдық талқылау үшін орналастырылған және 2025 жылдың 4 ақпанына дейін талқылауға қатысуға болады.

Министрлік өкілдері бұл өзгерістердің жолдардың сапасын жақсартуға және олардың тұрақты күтіміне бағытталғанын атап өтті.