Елімізде Құрманғазы атындағы республикалық конкурс өтеді

Қазақ ұлттық халық аспаптар оркестрі  5 қазан күні 90-шы концерттік маусымын ашады. Бұл туралы Құрманғазы атындағы Қазақ ұлттық халық аспаптар оркестрінің директоры Медет Қуанышев мәлімдеді, деп хабарлайды El.kz ақпараттық агенттігі.

Биылғы 90-шы маусымның ерекшелігі – оркестр ұжымының базасында алғаш рет Құрманғазы атындағы Республикалық конкурстың ұйымдастырылуы. Өнерде жүрген әрбір музыка маманы бұл конкурстың жеңімпазы болуды мақсат тұтады. Аталған конкурсқа еліміз бойынша 16-40 жас аралығындағы музыканттардан 150 өтінім қабылданып, оның 113-і іріктеуден өтті, – деді Медет Ермекқалиұлы.

Оқи отырыңыз:

• Сарапшы: Жазаны күшейту – елдегі зорлық-зомбылықтың алдын алады
• «Шубасыз-ақ өмір сүруге болады». Жазира Байырбекова неліктен аңның терісінен жасалған киім кимейтінін айтты

Медет Қуанышевтің сөзінше, конкурс осы жылы Құрманғазы оркестрінің 90-шы концерттік маусымына тұспа-тұс келуіне орай бас жүлде екі номинация бойынша табысталмақ.

Осыған дейін тек «Домбыра» номинациясы болған еді, оркестрдің 90 жылдық кезеңіне орай «Прима қобыз» жүлдесі қосылды. Осылайша бас жүлде екеу болады. Сонымен қатар «Домбыра прима», «Шертер», «Қылқобыз», «Сырнай» номинациялары бойынша жүйріктер бақ сынайды, - деді ол.