Елімізде қарақұйрық, арқар және тоғай бұғылары көбейді

Бұл туралы Премьер-министр Әлихан Смайылов сенат депутаттарының сауалына берген жауабында айтты, деп хабарлайды El.kz ақпараттық агенттігі.

Мәселен, өткен жылдың қорытындысы бойынша тоғай бұғыларының саны – 1052 бас (2021 жылы – 976), қарақұйрықтың саны – 15 089 бас (2021 жылы – 14 894), құланның саны 4413 бас (2021 жылы – 4337), арқардың саны 19 730 басты (2021 жылы – 18 279) құраған.

"Елде Биоәртүрлілікті сақтаудың қазақстандық қауымдастығы және Биосаналуандылығын сақтау қоры сияқты жануарларды қорғау жөніндегі үкіметтік емес ұйымдар жұмыс істейді. Бұл ұйымдар жануарлар дүниесін қорғау және қорғау саласында, оның ішінде жабайы жануарлардың сирек кездесетін, жойылып кету қаупі төнген түрлерінің санын қалпына келтіру бойынша қажетті жұмыс жүргізеді", – деп жазды үкімет басшысы.

Жалпы, жануарлар дүниесін қорғау, өсімін молайту және пайдалану мәселелері Үкіметтің ерекше бақылауында.