Елімізде қар құрсауында қалған 10 адам құтқарылды

Бүгін еліміздің ауа райының қолайсыздығына байланысты жабылған жол учаскелерінде төрт автокөлік қар құрсауында қалды, деп хабарлайды  El.kz ақпарат агенттігі.

ТЖМ мәліметінше, екі жағдай Жамбыл облысының Жуалы ауданында және бір оқиға Павлодар облысының Аққулы ауданында, сондай-ақ ШҚО Күршім ауданында тіркелді.

ТЖМ құтқарушылары боран жағдайында машиналарды қардан қазып алып, кейін қуатты арнайы техниканың көмегімен 10 жолаушысы бар көлік құралдарын жолдың тазартылған учаскесіне сүйреп шығарып, өздігінен жолдарын жалғастыруға мүмкіндік берді. Ешкім медициналық көмекке мұқтаж болған жоқ, - делінген мәліметте.

Ведомство жүргізушілерге дауыл туралы ескерту алған кезде сапарларын кейінге қалдыруға кеңес береді.