Елімізде паспорт пен жеке куәлік алу құны өзгереді

Қазақстанда 16 жасқа дейінгі балаларға паспорт бергені үшін ставкалар 8-ден 4 АЕК-ке дейін төмендетілді, деп хабарлайды El.kz ақпараттық агенттігі.

ҚР азаматының паспортын (16 жасқа дейінгі балаларды қоспағанда) бергені үшін мөлшерлемелер белгіленді:

36 бет – 8 АЕК (27 600 теңге);

48 бет – 12 АЕК (41 400 тенге).

ҚР азаматының жеке куәлігін бергені үшін оны бір жыл ішінде екі реттен артық жоғалтуына байланысты айыппұл 1 АЕК (3 450 теңге) мөлшерінде белгіленеді.

Бұл өзгерістер 2024 жылғы 1 қаңтардан бастап қолданысқа енгізіледі.