Елімізде ауа температурасы 42 градусқа дейін көтеріледі

Таяу күндері Қазақстан аумағында тұрақсыз ауа райы сақталады, деп хабарлайды El.kz ақпарат агенттігі.

Қазгидромет мәліметінше, республиканың солтүстігінде, орталығында, шығысында, оңтүстік-шығысында қатты жаңбыр, екпінді жел, бұршақ және дауыл күтіледі. Республика бойынша желдің күшейюі күтіледі.

Елдің батыс аймақтарында әлі де жоғары қысым аумағының ықпалымен жауын-шашынсыз ауа райы күтіледі. Қазақстанның басым бөлігінде температураның біртіндеп төмендеуі күтілуде. Алайда, 5-6 тамызда күндіз Қазақстанның оңтүстік-шығысында 40-42 градус өте қатты ыстық болады деп күтілуде.