Елімізде ауа температурасы 20 градусқа дейін төмендейді

Қазгидромет 5-7 желтоқсанға арналған ауа райы болжамын жариялады, деп хабарлайды El.kz ақпарат агенттігі.

Қазақстанның басым бөлігіндегі ауа райын атмосфералық фронтальді бөлімдер анықтап, тұрақсыз ауа райын әкеледі: бұрқасынмен қар, оңтүстік өңірлерде - жауын-шашын (жаңбыр, қар) және көктайғақ күтіледі. Еліміздің батысында антициклонның әсерінен жауын-шашынсыз ауа райы сақталады.

Сондай-ақ ауа температурасының төмендеуі күтіледі: түнде еліміздің батысында 7-12 аязға дейін, солтүстік-батыста 13-18 аязға дейін, еліміздің солтүстігінде, орталығында 15-20 аязға дейін, республикамыздың оңтүстігінде, оңтүстік-шығысында 3-8 аязға дейн, таулы аудандарда 10-16 аязға дейн төмендейді.