Елімізде аптап ыстықтың беті қашан қайтады

Қазгидримет 29 маусым мен 1 шілдеге арналған ауа райы болжамын жариялады, деп хабарлайды El.kz ақпарат агенттігі.

Қазақстанның үстіндегі атмосферадағы синоптикалық жағдайды ылғалдың үлкен қоры бар оңтүстік циклон айқындайтын болады, сол себепті жаңбыр жауады, найзағай байқалады, елдің солтүстік-батысы мен солтүстігінде қатты жаңбыр жауады. Сонымен қатар, бұршақ, дауыл және желдің күшеюі де күтілуде.

Жылудың біртіндеп төмендеуі Қазақстанның солтүстігінде және орталығында +18+28°С-қа дейін, шығыста +20+35°С-қа дейін, оңтүстікте +23+33°С-қа дейін, оңтүстік-шығыста +16+33°С-қа дейін, ал елдің батысы мен солтүстік-батысында күрт өзгерістер күтілмейді.