Елена Рыбакина US Open-2025 турнирінің үшінші айналымына өтті

Теннистен Қазақстан әйелдер құрамасының көшбасшысы Елена Рыбакина АҚШ-та (Нью-Йорк) өтіп жатқан US Open-2025 турнирінің үшінші айналымына өтті, деп хабарлайды El.kz интернет порталы.

Екінші айналымдағы кездесуде қазақстандық спортшы Чехиядан барған 18 жастағы Тереза Валентованы екі сетте 6:3, 7:6 (9:7) есебімен жеңді.

Матч 1 сағат 41 минутқа созылды. Осы уақытта Рыбакина төрт эйс жасап, екі қос қателік жіберді және жеті брейк-пойнттың төртеуін тиімді пайдаланды.

Келесі кезеңде Рыбакина 2021 жылғы US Open чемпионы ұлыбританиялық Эмма Радуканумен кездеседі.