Елена Рыбакина Билли Джин Кинг кубогының іріктеу кезеңінде қарсыласын ұтты

Теннистен Қазақстан құрамасы Билли Джин Кинг Кубогының ақтық кезеңіне жолдама алды, деп хабарлайды El.kz ақпарат агенттігі Спортты дамыту дирекциясының баспасөз қызметіне сілтеме жасап. 

Бүгін Астана қаласындағы Қазақстан мен Польша құрамасы арасындағы 3-ойында Елена Рыбакина Магда Линетті сенімді ұтты.

Кездесу 1 сағат 24 минутқа созылып, 6-4, 6-2 есебімен отандасымыздың пайдасына аяқталды.

Қазір Елена WTA рейтингінде 7-ші, қарсыласы 19-орында тұр.

Айта кетейік, кеше алғашқы ойында Юлия Путинцева Магда Линетті, ал Елена Рыбакина Вероника Фальковскаға еш мүмкіндік бермей, жанкүйерлерді қуантқан.

Екі құрама арасындағы есеп: 3-0.